ఆనంద మెట్టిదొ తెలియవయా బ్రహ్మానందమే పొందవయా
కాసులకొఱకై యల్పుల కొలువుల కష్టపడుట యేమానందం
దాసుడవై శ్రీహరికొలువున కడు ధన్యతగాంచుటె యానందం
సురలను గొలుచుచు స్వల్పంబులకై వరము లడుగుటే మానందం
హరినే గొల్చుచు ఆత్మానందమె వర మడుగుటయే యానందం
జిహ్వకు నానాచెత్తను మేపుచు చిక్కులు పడుటే మానందం
జిహ్వకు తారకనామము బెట్టి చిక్కుల నణచుటె యానందం
పాపపుపనులను చేసి యంతకుని పాలబడుట యేమానందం
శ్రీపతిపనులను చేసి మోక్షమును చెందుటలోనే యానందం
ముక్తినొసంగని బహుశాస్త్రంబుల పొగడి నేర్చి యేమానందం
భక్తిపరుడవై హరిచరితంబులు పఠియించుటయే యానందం
భామాదాసుండను నొక బిరుదము పొందుటలో యేమానందం
రామదాసుడను బిరుదును పొంది రాణించుటయే యానందం
పలుదుఃఖముల సంసారములో పడియుండుట యేమానందం
కులుకుచు శ్రీహరి పదసన్నిధిలో నిలబడుటే పరమానందం
దేహమె తానను భ్రమలో సృష్టిని తిరుగుచుండుటే మానందం
మోహము విడచి రాముని కొలిచి మోక్షము నందుటె యానందం
మీ ఈ రామకీర్తన వలన
రిప్లయితొలగించండిఆనంద మెట్టిదొ తెలిసెనయా
బ్రహ్మానందమె పొందితినయా...
బహు కాలం తరువాత దర్శనం ఇచ్చారు. మీకు ఈకీర్తన నచ్చినందుకు చాలా సంతోషం.
తొలగించండిమిత్రులు hari.S.babu గారు ఒకవ్యాఖ్యను పంపారు కాని దాన్ని ప్రచురించటం లేదు. "వైదిక ధర్మానుయాయులకు నమస్కారం!" అంటూ మొదలయ్యే ఆ వ్యాఖ్యను వారు భండారు శ్రీనివాస రావు – వార్తా వ్యాఖ్య, ఆలయ చరిత్రలు, కష్టేఫలి బ్లాగులకు ఇప్పటికే పంపటమూ ఆయాబ్లాగూల వారు దానిని ప్రచురించటమూ జరిగింది. అదీ కాక ఈరామకీర్తనకూ ఆవ్యాఖ్యకూ ఏమీ బాదరాయణ సంబంధం కూడా ఉన్నట్లు లేదు. ఇతరబ్లాగుల్లో వచ్చిన వ్యాఖ్యనూ, టపాకు సంబంధంలేని వ్యాఖ్యనూ ప్రచిరించటం అవసరం అనుకోవటం లేదు/ అందుచేత సదరు వ్యాఖ్యను ప్రచురించటం లేదు.
రిప్లయితొలగించండి@శ్యామలీయం
రిప్లయితొలగించండి"అందుచేత సదరు వ్యాఖ్యను ప్రచురించటం లేదు."
hari.S.babu:"ప్రచురించటం లేదు" అనే సుత్తిని మాత్రం ఎందుకు ప్రచురించారో తెలుసుకోవచ్చా!
ప్రతి హిందువూ తెలుసుకోవలసిన విశిష్టమైన సమాచారం అది.మీరు హిందువు కాదా?"ఈరామకీర్తనకూ ఆవ్యాఖ్యకూ ఏమీ బాదరాయణ సంబంధం కూడా ఉన్నట్లు లేదు." అంటున్నారే,రాముడు హిందువులకి సంబంధించిన వాడు కాదా?రాముడు దేవుదని కీర్తించటానికి కూడా రాముడు దేవుడని తెలుసుకునే పాటి జ్ఞానం కావాలి కదా!
జ్ఞానం లేని భక్తి ఎలా ఉంటుందో తెలియదు నాకు.హిందువులకి పరాధీనత ప్రాప్తించింది ఇతర మతస్థులు దాడి చేసి యుధ్ధాల్లో గెలిచి రాజ్యస్థాపన చేశాక కాదు,అజ్ఞానం చేత వైదిక ధర్మానికి దూరం జరిగాకనే ఇతర మతస్థులు దాడి చేసి యుధ్ధాల్లో గెలిచి రాజ్యస్థాపన చెయ్యగలిగారు.
ప్రస్తుతం నేను వైదిక ధర్మాన్ని తిరిగి వెనుకటి స్థాయికి పెంచాలని సంకల్పించి అందుకు సాటి హిందువులను చైతన్యవంతులని చేస్తున్నాను.ఆ ప్రయత్నంలో నేను తెలుసుకున్న సత్యాన్ని వీలైనంత ఎక్కువ మంది హిందువులకి చేర్చాలని జిజ్ఞాసువులని నేను అనుకున్న వారి బ్లాగుల్లో ఆ కామెంటు వేశాను.
దాన్ని ప్రచురించక పోవటం అజ్ఞానంతో కలిసిన మీ జిజ్ఞాస లేని మూర్ఖత్వం అయితే ప్రచురించట్లేదని టముకేసి చెప్పుకోవటం నాలాంటి ధార్మికవేదండులని చులకన చేస్తున్న మీ అహంకారంతో కూడిన అజ్ఞానం.మీరొక్కరు ఆ సత్యాన్ని ప్రచురించక పోయినంత మాత్రాన సత్యం మరుగున పడిపోదు.మీ రామభక్తిలోని డొల్లతనం బయటపడింది.
జై శ్రీ రాం!
మిత్రులు హరిబాబు గారూ, మీ వ్యాఖ్యనొకదానిని నేను ప్రచురించలేదని ఆగ్రహించి ఏమేమో వ్రాసారు. ఎందుకు ఆవ్యాఖ్యను ప్రచురించలేదో నేను వివరించినా మీకు ఆగ్రహం కలుగటం విచార్యం. క్రుధ్ధః పాపం నకుర్యాత్ కః? అంటాడు శ్రీమద్రామాయణంలో మనుమంతుడు ఒక సందర్భంలో. అలాగున మీరు కోపగించినప్పుడు ఎలా మాట్లాడతారో తెలిసిందే కాబట్టి నేను ఆవిషయం ఇంకా సాగదీసి వాదం పెంచదలచుకోలేదు. నాకు రామభక్తిని కలిగి ఉండేందుకు ఎలాగు హక్కు ఉందో దానిని ఆక్షేపించేందుకూ మీకు అలాగే హక్కు ఉంది. ఈపనిని మీరేమీ క్రొత్తగా చేయటం లేదు. ఇప్పటికే కొందరు తమకు తోచిన విధంగా అక్షేపించటం జరిగింది. అన్నట్లు మీరు కూడా ఇంతకు ముందు ఈఅక్షేపణను చేయటం జరిగింది. మీకు సలహాలను ఇచ్చేంత స్థాయి కాని అసక్తి కాని నాకు లేవు కాబట్టి అపని చేయటం లేదు. దయచేసి ఈవిషయంలో ఇంక వాదప్రతివాదాలను జోడించవద్దని మనవి.
రిప్లయితొలగించండి