సీతాకళ్యాణవేళ చెలగె దేవదుందుభులు
ప్రీతులైరి దేవతలు భీతులైరి రాక్షసులు
పెండ్లికొడుకాయెను రఘువీరుడు రామయ్య
పెండ్లికూతురాయె సిరివెలుగుల సీతమ్మ
కండ్లలోన మిలమిలలు కన సురల కసురుల
పెండ్లాముల పుస్తె లవి పెరుగుట కననాయె
అమ్మవచ్చె కథ లోని కమ్మవచ్చె ననుచు
కమ్మగా నారదముని గాన మదే చేసె
నెమ్మది చేకూరెను నింగిని దేవతలకు
ఉమ్మలిక మూరకయే యొప్పె రాక్షసులకు
రాముడు పుస్తెకట్ట రంభాధు లాడిరి
భూమియు పులకించినది భూమిజనుల తోడ
కామిత మీడేరునని కడుపొంగగ సురలు
ఆమూల లంకలోన నాయె భూకంపము
ప్రథమ చరణం చివరి రెండు పాదములు అర్థం వివరించ గలరు.
రిప్లయితొలగించండిఇక్కడ రెండు విషయాలు చెప్పటం జరిగింది.
తొలగించండి1. కండ్లలోన మిలమిలలు కన సురలకు.
2. అసురుల పెండ్లాముల పుస్తె లవి పెరుగుట కననాయె
సురలు అంటే దేవతలు, అసురులు అంటే రాక్షసులు. దేవతల కండ్లలో మిలమిలలు కనిపించాయి. రాక్షసుల భార్యల పుస్తెలు పెరుగటం కనిపించింది అని వివరణ. పుస్తెలు పెరగటం అంటే వివరించనక్కర లేదని అనుకుంటాను.