నమో నమో హరి నారాయణాఽచ్యుత
నా మనవులు విని నవ్వకు రామా
ధనము లల్పమని తగ నెఱుగుదును
ధనములు నాకిమ్మని యడుగుదును
ధనములు లేనిది మనుగడ లేదని
యనుకొందును నేనని నవ్వకుము
తనువు బుడగ యని తగ నెఱుగుదును
తనువున కాయుర్దాయ మడుగుదును
తనువే లేనిది మనికియె లేదని
యనుకొందును నేనని నవ్వకుము
ఆశలు చెడ్డవి యని యెఱుగుదును
ఆశలు వీడక నవియివి గోరుదు
నీశుడ వన్నియు నెఱిగిన వాడవు
ఆశపోతు వీడని నవ్వకుము
కామెంట్‌లు లేవు:
కామెంట్‌ను పోస్ట్ చేయండి
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.