కాలజ్ఞానము తెలియండీ పో
గాలపు రాకడ తెలియండీ
నేలా నీరూ నలుపౌనండీ
చాలామందే చచ్చేరండీ
కాలేకత్తుల వానలుకురియగ
చాలామందే చచ్చేరండీ
బాలిసు లూళ్ళను కాల్చివేయగ
చాలామందే చచ్చేరండీ
తూలుచు తెలియని వ్యాధులపాలై
చాలామందే చచ్చేరండీ
బారులుతీరిన వీరులందరను
భామిని యొక్కతె జంపేనండీ
క్రూరమతమ్మును కూలదోయగ
కోమలి యొక్కతె పుట్టేనండీ
ఔరా వేరొక కూటమతమ్మును
కోమలి యొక్కతె కూల్చేనండీ
వేరొక భామిని ధూర్తత్వంబున
వేలకొలదిగా చచ్చేరండీ
నీలాకాశము ధూళిమయంబై
చాలామందే చచ్చేరండీ
చేలను చెట్లను సారము చెడగా
చాలామందే చచ్చేరండీ
పాలిచ్చే యేపసరము దొరుకక
చాలామందే చచ్చేరండీ
చాలా గ్రహములు మూలను చేరగ
చాలామందే చచ్చేరండీ
యెక్కడలేని యుపద్రవములచే
చిక్కిజనంబులు చచ్చేరండీ
మిక్కిలి జనములు బ్రతికే దారే
యెక్కడ నుండక పోయేరండీ
అక్కడక్క డొక భాగవతోత్తము
డొక్కడుమాత్రము మిగిలేనండీ
చక్కగ రామా రామా యనువా
రెక్కడున్నను బ్రతికేరండీ
