నీనామమే మాకు నిజమైన ధనము
జానకీనాయక జగదేకనాయక
చిక్కి మాయలోన మేము సిరుల వేటలో పడి
ఎక్కడెక్కడనో వాని నెల్లప్పుడు వెదకచు
దక్కిన స్వల్పంబులనే తలచితలచి మురియుచు
నిక్కువముగ వెర్రులమై నిను మరతుము కాని
ఎంత ప్రోగు చేసినను ఎంత ప్రేమ జూపినను
సుంతైనను వెంటరాని సొమ్ములకై తిరుగుచు
నెంతకాలమైన కాని నించుకయు బుధ్ధిరాక
పంతగించి నిను మరచి పరుగిడుదుము కాని
రామనామ మిచ్చును సామ్రాజ్యములని యెరుగము
రామనామ మిచ్చు సర్వకామనలని యెరుగము
రామనామ మిచ్చు మోక్ష రాజ్యమని యెరుగము
ఏమేమో ధనములనుచు నెంచి చెడుదుమే కాని
