శ్రీరామమయమైన చిత్తమున్నది

శ్రీరామమయమైన చిత్తమున్నది భళి

ఆ‌రాటము లన్ని విడచి యది యున్నది

ఉన్నది రామభజన నున్నదే చాలునని

ఉన్నది రామునికొఱ కున్నదే చాలునని

ఉన్నది రామునికడ నున్నదే చాలునని

ఉన్నది రామునిదయ యున్నదే చాలునని

వలపు రామమయము చేసి వరలుచున్పది అది

తలపు రామమయము చేసి కులుకుచున్నది అది

కలలు రామమయమను నొక కడిది నున్నది అది

పలుకు రామమయము చేసి నిలచి తానున్నది

రామనామదివ్యసుధారసము గ్రోలుచున్నది

రామతత్త్వచింతనమున నేమరక యున్నది

రామపాదసీమ నుండు రామచిలుక యైనది

రాముడొకడె తనకు పంచప్రాణములని యున్నది