ఇదిగో శ్రీరామనామము
ముదమార గొనుము
విదితముగను భవతారకమై
వెలుగుమంత్రరాజము
సదమలాత్ములైన యోగి
జను లుపాసించు మంత్రము
హృదయమున శ్రీరామభక్తు
లెపుడు తలచు మంత్రము
ముదమున నిది నీజిహ్వాగ్ర
మున నిల్చి యుండునేని
వదలకరక్షించితీరు
పరమదివ్యమంత్రము
వేడుకతో వెండికొండ
వేలు పుపాసించు మంత్రము
ఏడుకోట్ల మంత్రంబుల
నెన్నికైన మంత్రము
నేడు నీవు మనసుపెట్టి
నిష్ఠతో జపియింతు వేని
వీడక నిన్నెల్లప్పుడు కా
పాడు దివ్యమంత్రము
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.