సీతారాములను మీరు సేవించరే

సీతారాములను మీరు సేవించరే మీ

పాతకములు పా‌ర మీజాతకములు మార

భూతలమున నరులుగా పుట్టుటయే గొప్ప

నీతిమంతులగుచు పుడమి నిలచుటయే గొప్ప

మీతలపులు హరిమయముగ మెలగుటయే గొప్ప

సీతారాములకు సేవ చేయుటయే గొప్ప

తగదని షడ్వర్గంబును తన్నుటయే గొప్ప

పగలు రాత్రులును హరిని భావించుటె గొప్ప

నిగమగోచరుని మ్రోల నిలచుటయే గొప్ప

జగత్పితరులకు సేవ సలుపుటయే గొప్ప

హరినామము నోటనెపుడు నాడుటయే గొప్ప

హరిమయ మీసకలవిశ్వమని తెలియుట గొప్ప

పరమభాగవతులుగా బ్రతుకుటయే గొప్ప

హరిని సిరిని కొలిచి మోక్షమందుటయే గొప్ప