ఇంత మంచి నామమని యెఱుగ నైతిని
ఎంత పొరబడితిని ఎంత వెఱ్ఱి నైతిని
సదాశివు డెల్లప్పుడు జపియించు నామమట
ముదంబున బోయనైన మునిగా నొనరించునట
నాతినైన కోతినైన నమ్మకముగ బ్రోచునట
ఆతురుడై పలికితే అభయమ్ము నొసంగునట
పాపాటవు లన్నిటిని భస్మమొనరించునట
శాపగ్రస్తు లాశ్రయించ చల్లగ రక్షించునట
మరందమే దీనిముందు మరీచప్పనైనదట
స్మరించితే భవంబునే తరించుటే తధ్యమట
శ్రీరామా నీనామము చేయక పొరబడితిని
ఔరౌరా యెఱుకలేని కారణమున చెడిపోతిని
కామెంట్‌లు లేవు:
కామెంట్‌ను పోస్ట్ చేయండి
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.