నీదే యీచిత్తము నిన్నంటి యుండనీ
కాదందువా యిది కలిగి లాభ మేమి
నీయాన మేరకే నేలపై నాడేటి
యూయుపాధిలోన నిది యున్నది కాదా
నీయాట బొమ్మ నీదై నిలువగ దానిలో
పాయక నుండేదిది బాగుగ నీదేగా
పదిమందిలో మాటవచ్చెనో యేడ్చేను
పదుగురు మెచ్చితేను బహు సంతసించేను
పదుగురిలో నిది పాడేది నీపాట
అది మెప్పుపొందితే ఆకీర్తి నీదిగా
రాముడవు నామనో రమణుండవు నీవు
నీ మెప్పు కోరియిది నిన్ను సేవించునని
నీ మనసులో నెఱిగి నియమించుకొన వయ్య
ఈమంచి బొమ్మ ఆట లింపు గొలిపేనయ్య
కామెంట్‌లు లేవు:
కామెంట్‌ను పోస్ట్ చేయండి
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.