12, జులై 2021, సోమవారం

రామచంద్ర యనరాదా రాఘవేంద్ర యనరాదా

రామచంద్ర యనరాదా రాఘవేంద్ర యనరాదా
నా మనోహరా జగన్నాథా యనరాదా

కామితశుభసందాయక కటాక్షించు మనరాదా
రామా జగదీశ్వరా రక్షరక్ష యనరాదా
స్వామీ నీకన్య మెఱుగ వరదాయక యనరాదా
ప్రేమామృతసాగర నిను విడచియుండ ననరాదా

సన్నుతాంగ నీకెవరును సరిరారని యనరాదా
నిన్ను నమ్ము కొంటి నింక నీది భార మనరాదా
కన్నులార నిన్నుచూడ కటాక్షించు మనరాదా
మిన్నుమన్ను నేకమైన నిన్నువిడవ ననరాదా

రక్తి నిన్ను పొగడుట నారసనకని యనరాదా
భక్తిమీఱ నిన్నుపొగడు వాడనని యనరాదా
ముక్తిదాయకా నాకు మోక్షైమీయు మనరాదా
శక్తికొలది రామునకు సాగిలపడి ఓమససా