చేరుమార్గ మదేనే చిత్తమా
చేరి రఘురాముని కోరి భజియించవే
నారాయణు డాతడని నమ్మవే
దారే లేనట్టి సంసారసాగరము దాటు
తీరు శ్రీరామభజన తెలుసుకోవే
పాపుణ్యముల చేత వచ్చుచుండు తనువులు
నీ పని ఆ రెంటిని నిరసించుటే
శ్రీపతి భక్తులకు లేవు పాపాలు పుణ్యాలు
తాపత్రయంబులును తనువు లన్నవి
భూరికృపాళువైన శ్రీరాముడై యున్న
వారిజాక్షు పాదపంకేరుహంబుల
చేరి భజియించెడు వారికి కైవల్యమే
చేరువగు చుండు సంసారము తొలగి
మనసంతా రామ మాయం 🙏🙏
రిప్లయితొలగించండి