రామా రక్షించరా రాజీవనయన
రామా బాల్యము నుండి ప్రేమతో నీనామ
మేమరక నే చేయు టెఱుగవో నీవు
కామాదిరిపులు ముష్కరులు నేడు న
న్నేమేమో చేయగ నీడ్చుచున్నా రిదె
రామా ఓ వైకుంఠధామా నీదయ లేక
నేమి చేయుదునయ్య నెంత పోరాడుదు
ఏమో వీరికి లొంగి యామీద కాలుని
ధాములు ధూములు తన్నులు తిందునో
పతితపావననామ బ్రహ్మాండపాలనా
చతుర శ్రీరామ నాసంగతి నెఱిగియు
హితము చేయక యుండ నేమి కారణమయ్య
యితరుడ నాయేమి యినకులతిలక
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.