31, జులై 2021, శనివారం

రామా నీదయ వేడుదు

రామా నీదయ వేడుదు సీతా
రామా రక్షించరా రాజీవనయన

రామా బాల్యము నుండి ప్రేమతో నీనామ
మేమరక నే చేయు టెఱుగవో నీవు
కామాదిరిపులు ముష్కరులు నేడు న
న్నేమేమో చేయగ నీడ్చుచున్నా రిదె

రామా ఓ వైకుంఠధామా నీదయ లేక
నేమి చేయుదునయ్య నెంత పోరాడుదు
ఏమో వీరికి లొంగి యామీద కాలుని
ధాములు ధూములు తన్నులు తిందునో

పతితపావననామ బ్రహ్మాండపాలనా
చతుర శ్రీరామ నాసంగతి నెఱిగియు
హితము చేయక యుండ నేమి కారణమయ్య
యితరుడ నాయేమి యినకులతిలక


కామెంట్‌లు లేవు:

కామెంట్‌ను పోస్ట్ చేయండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.