రామా నీదయ వేడుదు

రామా నీదయ వేడుదు సీతా

రామా రక్షించరా రాజీవనయన

రామా బాల్యము నుండి ప్రేమతో నీనామ

మేమరక నే చేయు టెఱుగవో నీవు

కామాదిరిపులు ముష్కరులు నేడు న

న్నేమేమో చేయగ నీడ్చుచున్నా రిదె

రామా ఓ వైకుంఠధామా నీదయ లేక

నేమి చేయుదునయ్య నెంత పోరాడుదు

ఏమో వీరికి లొంగి యామీద కాలుని

ధాములు ధూములు తన్నులు తిందునో

పతితపావననామ బ్రహ్మాండపాలనా

చతుర శ్రీరామ నాసంగతి నెఱిగియు

హితము చేయక యుండ నేమి కారణమయ్య

యితరుడ నాయేమి యినకులతిలక