నామనసు నీదాయె నామమత నీదాయె

నామనసు నీదాయె నామమత నీదాయె 

నామాట నాపాట నాబ్రతుకె నీదాయె

భక్తుడేమి పలుకవచ్చు పలుకనే రాదో

భక్తుడేమి పాడవచ్చు పాడరాదో

యుక్తాయుక్తముల నుర్వి నుండువారికి

ముక్తిప్రద సుద్దులాడ బోలునటయ్య

రేపుమాపు నీపాటల కాపద వచ్చుచో

నీపాట్లు నీవే పడి నిలుపుకోరా

కోప మేమిటయ్య నాకు కోదండరామ నా

కోపతాపములును నీ‌కొఱకే కాదా

రామయ్య నీది కాని దేమున్నదయ్య

కామించి నాదన నీ భూమి పైన 

ఏమిటి కిదియది యన నే నేమందు నయ్య

ఏమన్న మానిన నది నీ యిఛ్చయే గాక