23, జులై 2021, శుక్రవారం

హరియే సర్వం బని తెలియవయా హరిసాన్నిధ్యం బబ్బునయా

హరియే సర్వం బని తెలియవయా  
హరిసాన్నిధ్యం బబ్బునయా

హరినామము నీ వెప్పుడు చేసిన ఆనందము నీ కప్పుడు కలుగును
హరికథలను నీ వెప్పుడు చదివిన ఆనందము నీ కప్పుడు కలుగును
హరి నీ తలపున కెప్పుడు వచ్చిన ఆనందము నీ కప్పుడు కలుగును
హరి సన్నిథి నీ వెప్పుడు నిలచిన ఆనందము నీ కప్పుడు కలుగును
 
హరిపారమ్యుము నెఱిగితివా నీ‌ కభయము నిత్యము కలుగుచు నుండును
హరి రామాకృతి కొలిచెదవా నీ కభయము నిత్యము కలుగుచు నుండును
హరిని కృష్ణుడని కొలిచెదవా నీ కభయము నిత్యము కలుగుచు నుండును
హరేరామ యని పలికెదవా నీ కభయము నిత్యము కలుగుచు నుండును
 
హరిభక్తులతో మెలగెదవా నీ కనిశము శుభములు కలుగుచు నుండును
హరిభక్తుడవై నిలిచితివా నీ‌ కనిశము శుభములు కలుగుచు నుండును
హరినే కడు ప్రేమించెదవా నీ కనిశము శుభములు కలుగుచు నుండును 
హరి నీవాడని నమ్మితివా నీ కనిశము శుభములు కలుగుచు నుండును
 
 

1 కామెంట్‌:

  1. ఈ కీర్తనలు చదువుతున్నపుడే మాకు నిజమైన ఆనందం, ఈ కీర్తనలు ద్వారా మాకు హరినామ స్మరణ చేయిస్తునందుకు ధన్యవాదములు 🙏

    రిప్లయితొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.