7, జులై 2021, బుధవారం

మఱలమఱల నొక నరశరీరము

మఱలమఱల నొక నరశరీరము
దొఱకునా నీకది దొఱకినను

హరిభక్తియు నీ కబ్బేనో
హరిభక్తిలేని నరజన్మమది
హరిహరి యోర్వగ తరమౌనా
త్వరపడు మిపుడే తరింపగ

హరినితెలుపు చదువబ్బేనో
మరియితరములను మానుగచదివి
హరిహరి బ్రతుకగ తరమౌనా
త్వరపడు మిపుడే తరింపగ

హరేరామయని హాయిగా
స్మరణము చేయుట మరి యదికలదో
హరిస్మరణమునే మరచుటయా
త్వరపడు మిపుడే తరింపగ





3 వ్యాఖ్యలు:

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.