ఓ రామా నమ్మిన వాడనే
శ్రీరామా నమ్మిన వాడనే
రామరామ హిమధామసమానన
నామనోహర నారాయణ హరి
అరమరలేదని పరిపరి విధముల
శరణంటిని యక్కర చూడవు గదె
సుచరితసేవకనిచయాస్పద స
ద్వచననిరంతర ఖఛరాదినుత
సారహీనవికారదుష్టసం
సారసాగరము భారమాయె గదె
నీయెడ నేమి యుపాయము దోచదు
కాయము నీదని కడునమ్మితి గదె
చలమువలదు సత్ఫల మొసగవె నిను
తలచెద పలుమరు నళినదళేక్షణ
శ్రీకర రాకమచర్ల నిలయ కరు
ణాకర నీకృప కాశించితి గదె
( రాకమచర్ల వేంకట దాసు గారి కీర్తన)