8, జులై 2021, గురువారం

హరిహరి హరిహరి యనవే మనసా

హరిహరి హరిహరి యనవే మనసా
హరిస్మరణము విడనాడకు మనసా

హరియే విశ్వం‌ బనవే మనసా
హరియే సర్వం బనవే మనసా
హరియే దైవం‌ బనవే మనసా
హరినా ప్రాణం‌ బనవే మనసా

హరి నామమె చాలనవే మనసా
హరిస్మరణమె చాలనవే మనసా
హరిపూజలె చాలనవే మనసా
హరిభక్తియె చాలనవే మనసా

తారకమంత్రము తలచవె మనసా
చేరవె హరినే శీఘ్రమె మనసా
శ్రీరఘురాముడె శ్రీహరి మనసా
కోరిన కోరిక తీరునె మనసా


5 వ్యాఖ్యలు:

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.