కరి హరికి లంచమిచ్చి గట్టెక్కనా కృష్ణ
హరికి లంచమిచ్చి వస్త్ర మార్జించెనా
హరిచేసిన విశ్వమందు హరిది కాని దేమున్నది
హరికి మీరిచ్ఛెదమని యాశజూపగ
హరి కీయగ దలచినచో నాత్మల నర్పింపుడు
మరి యితరము లిచ్చుటయను మాటే లేదు
సదయునకు భక్తి తోడ సమర్పణము వేరు
అది యిమ్మా యిది గైకొని యనుటే వేరు
హృదయేశ్వరు డనుచు మీ రెంచుకున్న విభునితో
వదలు డింక బేరాలాడు పాడుబుధ్ధిని
పామరులై భగవంతుని పట్టి పీడింతు రేల
రాముడు మిము లంచమడిగి రక్షించునా
స్వామి పట్ల నచంచలభక్తి మీకున్నచాలు
మీమీ యాపదలు గడచి మేలు కలుగును
కామెంట్‌లు లేవు:
కామెంట్‌ను పోస్ట్ చేయండి
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.