12, జులై 2021, సోమవారం

రామచంద్ర యనరాదా రాఘవేంద్ర యనరాదా

రామచంద్ర యనరాదా రాఘవేంద్ర యనరాదా
నా మనోహరా జగన్నాథా యనరాదా

కామితశుభసందాయక కటాక్షించు మనరాదా
రామా జగదీశ్వరా రక్షరక్ష యనరాదా
స్వామీ నీకన్య మెఱుగ వరదాయక యనరాదా
ప్రేమామృతసాగర నిను విడచియుండ ననరాదా

సన్నుతాంగ నీకెవరును సరిరారని యనరాదా
నిన్ను నమ్ము కొంటి నింక నీది భార మనరాదా
కన్నులార నిన్నుచూడ కటాక్షించు మనరాదా
మిన్నుమన్ను నేకమైన నిన్నువిడవ ననరాదా

రక్తి నిన్ను పొగడుట నారసనకని యనరాదా
భక్తిమీఱ నిన్నుపొగడు వాడనని యనరాదా
ముక్తిదాయకా నాకు మోక్షైమీయు మనరాదా
శక్తికొలది రామునకు సాగిలపడి ఓమససా







4 కామెంట్‌లు:

  1. కీర్తన చాలా బాగుంది
    విజయ

    రిప్లయితొలగించు
  2. కీర్తనలు అన్నీ చాలా బాగున్నాయి 🙏🙏

    రిప్లయితొలగించు
  3. శ్యామల్ రావు సర్.. మీ ప్రతి రామ సంకీర్తన ఒక మహాయోగమే.. భక్తి రసామృతఝరి సమతుల్యమే..

    రఘునందన రాఘవ రవికుల తిలక
    దాశరథి నమామ్యహమిదం లోకపాలక

    రిప్లయితొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.