పరమయోగులై యుండవలె భవబంధములను విడువవలె
హరికటాక్షమే బడయవలె అపవర్గమునే పొందవలె
వాదశీలమును విడువవలె బహుశాంతముగా నుండవలె
వేదవేద్యుని కొలువవలె విభునినామమే తలచవలె
సిరిపై మోహము విడువవలె శ్రీహరినె మది నెంచవలె
హరిహరు లొకటని తెలియవలె ఆచిన్మూర్తిని తలచవలె
రాముడు హరి యని యెఱుగవలె రామనామమే పలుకవలె
రాముని సత్యము నెఱుగవలె రాముని నిత్యము తలచవలె
తారకబ్రహ్మము నెఱుగవలె తనలోతాను రమించవలె
ధీరత నుర్విని నిలువవలె కారణజగమును విడువవలె
