రామా రామా నీనామమునే రాగము తీయుదును ఘన
శ్యామా రామా నీరూపమునే ధ్యానము చేసెదను
చాలును చచ్చుట పుట్టుట యికపై జన్మము వలదని నిన్ను
చాల జన్మలుగ బ్రతిమాలాడినను సరియే ననవాయె నా
మే లీజన్మము లెత్తుట యందే మిక్కిలి యందువొకో ఓ
కాలాత్మక నీలీలల నెప్పుడు గానము చేసెదను
వివిధనామముల వెలిగే వెన్నుడ వేడుక మీరగ నిన్ను
భవతారకమగు రామనామమున భావనచేసెదను నే
నవిరళముగ నీ గుణగానంబున నానందించెదను ఓ
రవికులతిలక త్రిభువనపాలక రక్షణ వేడెదను
పాలముంచినను నీటముంచినను భారము నీదే నిన్ను
చాలభక్తితో నిత్యము కొలుచుచు సతతము వేడెదనుము
క్కాలంబుల నీదయామృతమునే ఘనముగ తలచెదను ఓ
నీలమేఘఘనశ్యామ దయాళో మేలుగ వేడెదను
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.