పలుకవేల రామా నిన్నే
కొలుచువాడ గానా
తలచితలచి నిన్ను పులకరించి నేను
పలుకరించి నపుడు బ్రహ్మాండనాయక
ఉలకక పలుకక నూరకుండుట తగదు
కలిమలవిధ్వంసకారణశుభనామ
పలుకరింతువు నీవె తొలుతగ నని వింటి
పలుకుపలుకున తేనె లొలుక పలుకుదు వట
పలుకరించి నిన్ను భంగపడుటయె గాని
సలిలితముగ నొక్క పలుకైన పలుకవే
కలనైన నీపేరు కలువరించెడు వాడ
నళినదళాయతాక్ష నానేర మేమిటయ్య
పలుకవయ్య నాకు భవమింక లేదనుచు
జలజాప్తకులతిలక పలుకర రామచంద్ర
కామెంట్‌లు లేవు:
కామెంట్‌ను పోస్ట్ చేయండి
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.