విందుకు రమ్మని పిలచిన మెగమోట
మెందుకురా రఘునందన నేడు
కులతిలక మాయింట గొప్పవిందని నిన్ను
పిలచెనా కైకమ్మ ప్రియముగ నేడు
వలచి సహపంక్తికి పిలచెనా లక్ష్మన్న
తెలుపరా చిక్కేమి దేవదేవ
తెలుగింటి వంటలే తినితిని చీకాకు
కలిగిన దనవుగా కరుణాలవాల
కులుకుచు షడ్రుచులకొలువైన వంటలు
కలికి సీతమ్మతో గైకొనవయ్యా
మాటికి విందుకు మాయింటి కని మొగ
మోటమి పడుదువో భూమిజానాథ
ఏటికి నీకు మొగమాటము బిడ్డలా
రాటముతో బిలువ రారాద రామా
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.