తప్పకుండ ఆ రాముడు దశరథాత్మజుడు తప్ప
అప్పుడైన నిప్పుడైన నందరకు దిక్కెవ్వరు
స్వజనులను కడు ప్రేమగ చల్లగా రక్షించువాడు
విజనులైన స్వజనులట్లె ఋజువుగ మన్నించువాడు
కుజనులైన శరణంటే గొప్పగ కాపాడువాడు
సుజనులందరకు చాల శుభముల సమకూర్చువాడు
శరణాగత రక్షకుడని చాల పేరు బడినవాడు
సురవైరు పీచమణచి సురలను కాపాడువాడు
నరజాతికి నీతిపధము సరసముగా నేర్పువాడు
కరుణతోడ లోకములను పరిపాలన చేయువాడు
తనపేరే దుర్భరభవతారకమై యొప్పువాడు
తనకీర్తికి యుగములైన తరగని శోభలవాడు
తనవంటి వాడొక్కడు ధరణిలోన లేనివాడు
తన కలరూపము హరియని మునుల కెఱుకైనవాడు
కామెంట్‌లు లేవు:
కామెంట్‌ను పోస్ట్ చేయండి
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.