స్వామీ భవబంధములు పగులకుండేనా ఓ
రామచంద్ర నీకు దయరాకపోయేనా
నీనామమాహాత్మ్యము నెఱుగుదు నే
మానను శ్రీరామనామ మంత్రమెన్నడు
నీనామపు గొప్పనైన నిలుపుకొనుటకు నా
కేనాటికి నైన మోక్ష మీయకుందువా
ఇన్ని జన్మల తపఃఫలం బేమయ్యేను నా
విన్ని విన్నపంబు లివి యేమయ్యేను
ఎన్నాళ్ళని బిఱ్ఱబిగిసి యిటులుండేవు న
నెన్నెన్ని తిత్తులలో నిటు త్రిప్పేవు
పెద్దపెద్ద బిరుదులున్న వీరరాఘవా నీ
వద్దచేరి చెడిపోయిన వారెవ్వరు
ముద్దుగా నిప్పటికైన మోక్షమీయరా నా
హృద్దేశమందు వెలసిన నారాయణుడా
2, మే 2023, మంగళవారం
స్వామీ భవబంధములు పగులకుండేనా
2 కామెంట్‌లు:
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
ఆ ఏమండి ఎలా ఉన్నారు..నేను ఇదీప్రపంచాన్ని...
రిప్లయితొలగించండిపలుకరించినందుకు ధన్యవాదాలండీ విహారి గారూ. నేను బాగానే ఉన్నాను రామానుగ్రహంతో.
రిప్లయితొలగించండి