ఏల వేల భక్తజాలపాలనశీల నీ
కేల కరుణ రాదు జగదీశ్వర మేలా
బ్రహ్మాండములను చేయునట్టి వాడవు నీవు
బ్రహ్మానంద మొసగునట్టి వాడవు నీవు
బ్రహ్మాదు లెపుడు పొగడునట్టి వాడవు నీవు
బ్రహ్మాదులను పనుల నిలుపు వాడవు నీవు
నిన్నే గాక వేరొకరిని నేను కొలువను
నిన్నే గాక దైవమొకని నేనెఱుంగను
నిన్నే నమ్మి యుంటి ననుచు నీవెఱింగియు
మన్నింపకునికి కారణ మేమున్నది రామ
గర్వించు రావణాదులను కాటికంపిన
శర్వాదివినుత విక్రముడవు శాశ్వతుండవు
నిర్వాణపదము నొసగెదవు నీభక్తులకు
నిర్వేదపడగ నేల నాకు నీభక్తునకు
