నీవెంత చేసితివి చూడూ లంకేశ
నీలంక యిక వల్లకాడు
నీవెంత అరచినా చూడూ ఓసీత
నీరాము డిచ్చటకు రాడు
రాడు రాడంటేను నీవూ రావణా
రాముడూ రాకుండ పోడు
వాడు వచ్చుట సర్వకల్ల ఓసీత
వచ్చి ననుజంపుట కల్ల
నిన్ను జంపుట కల్లకాదూ ఓదైత్య
నన్ను కాచుట కల్లకాదు
ఎన్నాళ్ళు పాడేవు సీతా ఈపాట
ఎన్నటికి నట్లు కాబోదు
అట్లేల కాదురా మూర్ఖా రాముడే
ఆదినారాయణుడు మూర్ఖ
అట్లు ప్రశంసించి సీతా నీవు న
న్నెట్లు బెదిరింతువే సీతా
బెదిరించుచుంటిరా దుష్టా నీకునై
నుదయించినట్టి మృత్యువును
అదియును చూచెదను సీతా ఏమైన
వదలబోనే నిన్ను నేను
నీవు వదిలెడి దేమి పోరా రాముడే
వదిలించు నీచెఱను రేపు
ఈవాదనల కేమి సీతా చూదాము
నీవాక్యమందు సత్యమ్ము
