శ్రీమద్దశరధనందనా హరి

శ్రీమద్దశరధనందనా హరి 

నా మనవి విన వేమయ్యా

నోరారా శ్రీరామా యని నే నుడివిన నవ్వును పరిజనము

కూరిమితో నిను కీర్తించినను గొణిగెద రేమీ రొదయనుచు

కారుణ్యాలయ ఇట్టి బ్రతుకు నే కోరనురా శ్రీరఘురామా

దారిచూపమని వేడుచు నున్నను దయచూపవురా యిదియేమి

ఊహలపల్లకి నూపే యాశల యూడల నెపుడో కోసితిని

దాహము లేదే భోగంబులపై తమకము లేదీ ధరపైన

మోహము లేదీ తనువు పైన మరి పుట్టగ ముచ్ఛటయును లేదు

శ్రీహరి ఈసంసారము చాలును చేయిందించర రామయ్యా