తనువు చినచెఱసాల ధర పెద్దచెఱసాల
కనుగొన నిజమింతే కాదటయ్యా
కొంద రీచెఱలపై కూరిమితో నుందురు
కొంద రివి యహిత మనుకొను చుందురు
ఎందరివి దాటపో నెంచెదరు చెప్పుమా
వందితాఖిలమునిబృంద రాఘవా
మునుకొని నీనామమును నూతగా గొని
మనుజుడీ చెఱలు రెండును దాటును
వనజాక్ష జానకీవల్లభా రఘురామ
తనకు వేఱొక దారి యన నున్నదా
చెఱసాల కాని దీసృష్టిలో నున్నదా
హరి సన్నిధాన మొక టనునది గాక
మరి హరేరామ యను మంత్రమే కాక
చెఱలువిడు సాధనము జీవికి కలదా
కామెంట్‌లు లేవు:
కామెంట్‌ను పోస్ట్ చేయండి
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.