24, డిసెంబర్ 2022, శనివారం

మంగళం మంగళం


మా రామచంద్రునకు మంగళం మంగళం

మారకోటిసదృశునకు మంగళం మంగళం


రావణాదిదుష్టదైత్యప్రాణాపహారికి సమ

    రాంగణవరవిహారికి మంగళం మంగళం


అంగన సీతమ్మ గూడి యందగించు రామునకు

    గంగాధరవినుతునకు మంగళం మంగళం


వాసవాదిసురముఖ్యుల వందనముల నందుకొను

    బంగరు తండ్రి రామునకు మంగళం మంగళం

    

అంచితముగ సద్భక్తుల కన్ని సౌఖ్యముల గూర్చు

   మంచివాడు రామయ్యకు మంగళం మంగళం


మంచివారి కెల్లపుడు మంగళంబులను గూర్చు 

    మంగళాకారునకు మంగళం మంగళం


అఖలలోకముల నేలు నాదిదేవునకు ధర ని

    స్సంగుల మది నుండు హరికి మంగళం మంగళం


పొంగుచు యోగీంద్రు లెపుడు పొగడు దేవదేవునకు

    అంగజగురుడైన హరికి మంగళం మంగళం

    

బంగారు గద్దె మీద వాసిగా నుండు ఖగతు

    రంగుడైన రామయ్యకు మంగళం మంగళం