రామచంద్రుని నామము బహురమ్యమైన హరినామము
బుధులకు రుచియగు నామము ఇది పురుషోత్తముని నామము
మధురతమంబగు నామము ఇది మంగళకరమగు నామము
మునిజనమోహననామము ఇది దనుజభయంకరనామము
ధనదమిత్రప్రియనామము ఇది మనసిజజనకుని నామము
తాపత్రయహరనామము ఇది ధశరథతనయుని నామము
శాపాంతకమగు నామము ఇది సర్వాభీష్టదనామము
భవభయహరమగు నామము ఇది పట్టాభిరాముని నామము
రవికులతిలకునినామము ఇది పవనసుతార్చితనామము
పరమమనోహరనామము ఇది పాపవిదారక నామము
సురుచిరసుందరనామము ఇది సురగణపూజిత నామము
శోకవినాశకనామము ఇది శుభముల గూర్చెడు నామము
లోకారాధితనామము ఇది లోకేశ్వరుని నామము
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.