దండాలు లచ్చుమయ్య దండాలనరే మా
కండగా నీవెప్పుడు నుండాలనరే
నీగుణమును నీశీలము నీచరితము నెంచెదము
యోగిరాజువను బిరుదం బుచితము నీకు
రావణుని సోదరి ధూర్తత్వమునకు కోపగించి
నీవు దాని ముక్కు చెక్కినావు కదయ్యా
ముక్కుమీద కోపము నీకుండు నటయ్యా ఆ
రక్కసులను బట్టి చంపు రామసోదరా
ఆ కామమోహక్రో ధాదులును రక్కసులే
మాకొఱకై ఆదుష్టుల మట్టబెట్టవే
చక్కనయ్య లచ్చుమయ్య మ్రొక్కేము నీకెపుడును
అక్కరలగు వేళల మమ్మాదుకోవయా
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.