పొగడండయ్యా హరిని పొగడండయ్యా మీరు
పొగడదగిన వా డతడే పొగడండయ్యా
జగముల పుట్టించు వాని పొగడండయ్యా
జగముల పోషించు వాని పొగడండయ్యా
జగముల రక్షించు వాని పొగడండయ్యా
జగదీశ్వరుడైన హరిని పొగడండయ్యా
తగుననుచును మీ రితరుల పొగడకండయా
జగములు మిము జూచి నగును పొగడకండయా
భగవంతున కన్యుల నటు పొగడరాదయా
జగము మెచ్చ హరిని మీరు పొగడండయ్యా
వైకుంఠధాము డనుచు వేడ్క పొగడగ
సాకేతరాము డనుచు చక్కగ పొగడగ
లోకాభిరాము డనుచు సొంపుగ పొగడగ
మీకు శుభంబగును హరిని మీరు పొగడరే
