రామునకు మ్రొక్కరే రమణులార సీతా
రామునకు మ్రొక్కరే రమణులార
చారెడేసి కన్నులున్న శ్యామలాంగుడే సం
సారభయాపహుడైన సారసాక్షుడే
కోరినట్టి వరములిచ్చు గోవిందుడే మన
సార మీరు మ్రొక్కరే సకియలార
దేవతలే చేరి మ్రొక్కు దేవదేవుడే ఆ
భావజుని కన్నతండ్రి పరమాత్ముడే
భావింప బ్రహ్మకైన వశముకాని ఈ
దేవునకు మ్రొక్కరే లావుగాను
కోరి కొలుచువారి కితడు కొంగుబంగరే మీ
కోరికలను చెప్పుకొనరె గోవిందునకు
నోరునొవ్వ కీర్తించరె చేరి మ్రొక్కరె ఓ
సారసాక్షులార రామచంద్రమూర్తిని
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.