రామ రామ యంటే ఆరాటము లుడిగేను
కామితార్ధ మైన ఆ కైవల్య మబ్బేను
పుట్టినదాదిగ నీవీ భూములని పుట్రలని
పట్టుబట్టి తిరుగుతుంటే పగలే మిగిలేను
చెట్టజేసి పదిమందికి చీచీ యనిపించుకొని
వట్టిచేతులతో నరిగెడు పనియే యయ్యేను
కనులు తెరచినది మెదలు కాసులని కాంతలని
మనసుచెదరి తిరుగుతుంటే దినములు గడిచేను
మనసారా హరి యనని మనిషి వనిపించుకొని
తనువు విడచి యమపురికి తరలుట అయ్యేను
అన్యదైవముల గొలిచి ఆశపడి చెడుటేల
అన్యమంత్రముల చదివి ఆయాసపడు టేల
పుణ్యమేల పాపమేల పుట్టువే వలదనే
ధన్యుడవై రామా యంటే తరించు టయ్యేను
కామెంట్‌లు లేవు:
కామెంట్‌ను పోస్ట్ చేయండి
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.