నీ నామమే రామ నీ నామమే నా
కేనాడును దీనత రానీయదు
మాన కీభూజనులు మితిమీరి హింసింప
బూని విషవాగ్బాణములు చాల విసరగా
వానిచే నే గాసిబడకుండ రక్షించ
నీ నామమే కవచమై నాకు కలిగె
మేను దాల్చినదాది మీఱి రిపుషట్క మిదే
దానవుల రీతిగ నిర్దాక్షిణ్యము గాను
బూని కత్తులు దూసి పొడచుచు చుండగా
నీ నామమే డాలుగా నాకు కలిగె
నేను నిను జేరగా లోనెంచి యుండగా
పోనీక బంధించు హీనభవలతలను
పూని ఖండించు సర్వోత్తమాయుధమన
నీనామమే ఖడ్గమై నాకు కలిగె
19, డిసెంబర్ 2022, సోమవారం
నీ నామమే రామ నీ నామమే
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.