హరిభక్తి యున్న చాలు నన్యము లేల ఆ పరుసవేది యున్న పెఱవస్తువు లేల |
|
భూమినేలువాని స్నేహ మొప్పుగ నున్న గ్రామాధికారి నంటకాగుట యేల రామచంద్రు నాశ్రయించ లబ్ధి యుండగ సామాన్యుల వలన గల్గు సంపద లేల |
హరిభక్తి |
పూతగౌతమీ పాయ పొంతనుండగ నూతినీటి స్నానముల న్యూనత లేల చేతోమోదముగ రామసేవ దొరుకగ ప్రీతిమీఱ నొరుల సేవింప నేల |
హరిభక్తి |
శ్ర్రీరాముని కృప నీకు చేరి యున్న ఆరాటపడ నేల నన్యుల దయకు తారాధ్వం బెల్ల గతి తప్పును కాక నీ రాముడు నీవాడే నిశ్చయముగను |
హరిభక్తి |
12, అక్టోబర్ 2016, బుధవారం
హరిభక్తి యున్న చాలు నన్యము లేల
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.