10, అక్టోబర్ 2016, సోమవారం

యజ్ఞవరాహావతారం



అవతరించినాడే ఆది యజ్ఞవరాహమై
అవనీపతిహరి గుర్గురారావము వాడై

నలువముక్కు నుండి నలుసంతగ పుట్టి
తెలియునంత లోనె కులగిరులకు మించి
తులువ హేమాక్షుని త్రొక్కి చీరి జంపి
యిలను సుఖము శాంతి వెలయ జేయగను
అవత

స్వామి యొడలు దులుప జారిన రోమములు
భూమిపైని దర్భలన పొలుపుమీఱ పెరిగె
రోమముల నంటిన స్వామిపాదధూళి
యే మొదటి పిండత్రయ మీయిలపై పితరులకు
అవత

ఔరా హరిసతిని అసురుడు కొనిపోయె
దారనపహరించ దండించడె వేగ
శౌరి నిజసతికై పోరాడెను కిటియై
పోరె మరల సతికై శ్రీరాము డగుచును
అవత


1 కామెంట్‌:

  1. మనమున లేశము కరుణ లేకయా
    కనకాక్షుడు భువి కలయ జుట్టగను
    సనకసనందన మునులు వేడగను
    దనుజుని చుట్టియు ధర ఏలితివౌ
    వరాహావతారా! జయ వరాహావతారా!

    రిప్లయితొలగించండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.