4, అక్టోబర్ 2016, మంగళవారం

వీడే వీడే రాముడు


వీడే వీడే రాముడు వీడే ధర్మవిగ్రహుడు
వీడే లోకారాధ్యుడు వీడేను నారాయణుడు


వీడే వీడే కుమతుల నందర వీఱిడిపుచ్చే వీరుడు
వీడే వీడే సుమనస్కులకు విమలజ్ఞానదీపకుడు
వీడే వీడేలే సుమనసులకు వెలుగులు పంచెడివాడు
వీడే వీడే జీవరాశి హృత్పీఠములందలి దేవుడు
వీడే

వీడే వేడే జగదాదిజుడు విశ్వంబుల జేసెడి వాడు
వీడే వీడే విశ్వరక్షకుడు వీడేలే లయకారకుడు
వీడే వీడే వేదవేద్యుడు వేల కొలది పేరులవాడు
వీడే వీడే మునిగణంబులకు వేడుక ముక్తి నొసగువాడు
వీడే

వీడే వీడే మకరిబారిబడి వేడిన కరి నేలినవాడు
వీడే వీడే ద్రుపదతనయమొఱ విని వేగమె రక్షించినవాడు
వీడే వీడే ప్రహ్లాదునకై వీరనృసింహుండైనాడు
వీడే వీడే భక్తవరదుడు వీనికి సాటి మరి యెవడు
వీడే


కామెంట్‌లు లేవు:

కామెంట్‌ను పోస్ట్ చేయండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.