6, అక్టోబర్ 2016, గురువారం

గోవిందుడా నిన్ను కొనియాడనీ



గోవిందుడా నిన్ను కొనియాడనీ ।నేను
నీవాడనై యిట్లు నిలచిపోనీ

లేదు విచారము లేదు వినాశము
లేదు నీవారికి లేమియన
లేదొక కామము లేదొక మోహము
లేదు కలిభయమును నీదయ లుండగ
గోవిందుడా

కావున నీయందు కపటమే లేని
భావనలే కాని ప్రభవించని
జీవుడనై యుంటి సేవించు చుంటి
నీవే సర్వము నిశ్చయమనుచు
గోవిందుడా

ప్రేముడి మీఱగ వేమార్లు దినమును
రామ రామ యందు నేమరక
రామగోవింద సర్వ రక్షక కృపజూపి
నామొఱలాలించి నన్నేలరా
గోవిందుడా


కామెంట్‌లు లేవు:

కామెంట్‌ను పోస్ట్ చేయండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.