హరి వేగ నామనసు నలుముకోవయ్యా త్వరపడ కుంటే వచ్చి తానుండురా కలి |
|
సురుచిరముగ నీవు శోభించు మనసులో శిరసులెత్త జాలునా దురూహలు కరమరుదగు ప్రేమతో కరుణాలవాల నీ పరమైన భావనల పరవశించు గాక |
హరి |
తరచుగా నీ నామము తడవు నాలుకపైన పొరపాటు మాటలు పుట్టునా నిరుపమాన మైనట్టి నీగుణముల నెన్నుచు పరిపరివిధంబుల పరవశించు కాక |
హరి |
రాముడవై రాకాసుల ధీమసమ మణచితివి కామక్రోధాది రాకాసులమూక ఆ మాయకలిసైన్య మగుచు చొరబడులోన నా మనసులో నిండి నన్ను కావ కాదా |
హరి |
31, అక్టోబర్ 2016, సోమవారం
హరి వేగ నామనసు నలుముకోవయ్యా
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
(ఇది ఈ శ్యామలీయం‌బ్లాగులో 1008వ టపా!)
రిప్లయితొలగించండిCongratulations.
రిప్లయితొలగించండిAs u know busy orelse would v commented in telugu
మిత్రులు శర్మగారు,
తొలగించండిధన్యవాదాలు. ఇది ఒక చిన్నివిషయం - ప్రత్యేకంగా టపాకొట్టి చెప్పవలసినంతది కాదు కదా. కాబట్టి ఒక వ్యాఖ్యలో సూచించానంతే. కొందరికి గణాంకాలపట్ల ఆసక్తి ఉండవచ్చును.
వీలు దొరికినప్పుడు ఈ‌బ్లాగులోని టపాల్లో నిరుపయోగమైన టపాలను తొలగించాలన్న ఆలోచన ఉంది కాని అ పనియొక్క ఉచితానుచితాలపైన కూడా కొంత సందేహం ఉంది. నేను అముఖ్యం అనుకున్నవి కొందరిదృష్టిలో ఏదో ఒక కారణం వలన విలువైనవి కావటం జరుగవచ్చును. తద్విపర్యమూ సంభవమే అనుకోండి. అందుకే ఆ విషయంలో కొంత ఉదాసీనంగా ఉన్నాను.
శ్యామలరావు గారు,
తొలగించండిజీవితంలో అన్నిటిని అనుభవిస్తాం, కొన్నిటి జ్ఞాపకాలే దాచుకుంటాం, మానవ నైజం, అదే! నా ఉద్దేశంలో ఏ టపానీ తీసెయ్యక్కరలేదనేదే నా ఉద్దేశం,ఎవరైనా సరే!
అలాగేనండీ. ఏవీ తొలగించటం లేదు.
తొలగించండిఇంత చేసి అంత చేసామని గొప్పలు చెప్పుకునే కాలం ఇది (ఈ నాటి జనాల భాషలో "బిల్డప్పులు ఇవ్వడం"). మీరేమో చేసినదాన్ని పేర్కొనడానికి సంకోచిస్తారేమిటి శ్యామలరావు గారు? 1000 పైచిలుకు అంటే మాటలా! అభినందనలు.
రిప్లయితొలగించండికొన్ని టపాలు తొలగిస్తానన్న మీ ఆలోచనకి శర్మ గారు చెప్పిన మాటే నా మాటానూ. ఏవీ తీసెయ్యడంలేదనే సరైన నిర్ణయం తీసుకున్నారు మీరు.
శ్రీ రాములు వారి మీద 1008 కీర్తనలు రచించిన మీరు నిజంగా మరో రామదాసు, శ్యామలరావు గారు. ఆ రాములు వారు మీకిచ్చిన బాషాపాండిత్య వరాన్ని ఈ విదంగా సద్వినియోగమ్ చేసుకున్న మీరు నిజంగా ధన్యులు .ఇకనుండి మీరు శ్రీ రామ సహస్రనామకీర్తనాచార్య, శ్యామల రాయా!అనే బిరుదం తో వర్దిల్లుదురు గాక!
రిప్లయితొలగించండినరసింహారావు గారూ,
తొలగించండిఈ 1008 అన్నది ఈ బ్లాగులో ఉన్న టపాల సంఖ్య అండీ. రామకీర్తనల సంఖ్య కాదు. వేయి రామకీర్తనలను చేరుకొనేంత ప్రతిభావ్యుత్పత్తులు ఈజీవుడివద్ద ఉన్నాయో లేదో తెలియదు. రాముడికే అది తెలియాలి.