రాళ్ళు కరుగ పాడండి

రాళ్ళు కరుగ పాడండి రామ రామ రామ యని

నోళ్ళు నొవ్వ పాడండి నోరున్న దందుకే

భూమినున్న జనుల కెల్ల బుధ్ధికెక్కు నట్లుగా

రామనామమాహాత్మ్యము లక్షణముగ చాటండి

రామనామ జపము చేసి సామాన్యు డైన గాని

ఆమోక్షనగరంబున కరుగునని చాటండీ

రామచంద్రు డేలినట్టి భూమిమీద పుట్టిన

సామాన్యులు పండితులకు సర్వవేళ లందున

రామనామ మాహాత్మ్యము రక్షణకవచంబని

ప్రేమతో తెలియజెప్ప వివిధగతుల పాడండీ

రాముని మాహాత్మ్య మెల్ల ప్రజలెరుగగ పాడండి

రాముని దయచేతనే బ్రతుకనుచును పాడండి

రాముడే దేవుడనుచు ప్రజలెరుగగ పాడండి

రామనామ మిచ్చు మోక్షరాజ్య మనుచు పాడండి