నుడువరేల రామా యని నోరారా జనులారా
నుడువ నుడువ శ్రీహరి కనబడును కాదా
నిదురలేచి కనులుతెఱచి నిండుమనసుతో మీరు
మృదుమధురముగను మొదటి మాట గాను
సదయుడైన హరిని రామచంద్రుని మదిలోన తలచి
ముదమారగ జిహ్వ మిగుల పునీతమై పోవగ
పగలు మీరు పొట్టకూటిపనుల మధ్య నుంటి మనుచు
జగదీశుని దివ్యనామస్మరణ మేల మాన నగును
తగ నోటికి ముద్దజేర్చు తరుణమందు హరినామము
ప్రగాఢానురక్తి తోడ రసనాగ్రము నందు జేర్చి
నిదురవేళ కెల్లపనులు నిశ్చయముగ జక్కపరచి
వదలక నైహికము లందు పరగు బుధ్ధి నడచి
ముదమారగ హరిపాదములను జేర్చి మీమనసుల
సదయుడైన విభునిపేరు జహ్వాగ్రములను జేర్చి
