శివశివ శివశివా

శివశివ శివశివా భవభవ భవభవా

వివరింప శక్యమా విభో నీమహిమ

 

శివశివ నీదయచే శ్రీరామనామమే

అవలీలగ నానాలుక కంటుకపోయె

భవభవ నీదయచే పావనమైనట్టి

భవతారకమంత్రము బడిసితి నేను

హరహర నీదయచే హరిభక్తి నాలో

నిరంతరాయముగ నిలచియున్నది

పురహర నీదయచే పొందిన బుధ్ధితో

హరితత్త్వ మందునా కబ్బెను నిష్ఠ

పరమశివ నీదయచే వదల నవివేకము

హరిహరు లొకటనుచు నర్దమైనది

హరుడవై నాకు శ్రీహరినామ మిచ్చితివి

హరివగుచు మోక్షమే యందిచ్చితివి