అనుమానము మనకెందుకు మనపై కృపగలిగి
వనజాక్షుడు మనరాముడు మననేలును నిజము
వినతాసుతఘనవాహను డని రాముని మునులు
వనజాసనుడును నింద్రుడు ననవిల్తు విరోధి
యును మిక్కిలి వినుతించగ జనులందర మెఱిగి
వినయంబున మనదేవుం డని గొల్చుచు నుండ
చనవిచ్చుచు మనరాముడు మనకుండగ నింక
మన కన్యుల గొనియాడెడు పనియున్నది లేదు
మనసా హరి శుభనామము మన మందర మెపుడు
తనివార రసన మిక్కలిగను నొవ్వగ పలుక
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.