రామనామ మన్నది చాలును

రామనామ మన్నది చాలును నాకీ
రామనామ మున్నది చాలును

రామనామము నాకు భావము రామనామము నాకు జీవము
రామనామము నాకు బ్రతుకు రామనామము నాకు మెతుకు
రామనామము కన్న మిక్క్లిలి రమ్యమైన నామ మేది
రామనామము కన్న నమృత మేమి గలదు భువిని దివిని

రామనామము నాకు సిరియగు రామనామము నాకు సంపద
రామనామము నాకు భోగము రామనామము నాకు భాగ్యము
రామనామము కన్న సుఖకరంబైనది భువిని కలదె
రామనామము కన్న నాకు భూమి నేదియు ముఖ్యము కాదు

రామనామము నాకు లోకము రామనామము నాకు ప్రాణము
రామనామము నాకు సర్వము రామనామము నాకు గర్వము
రామనామము కన్న నేది ప్రాణి కోరవలయు నయ్య
రామనామము చాలు చాలు రాముని కరుణ చాలు చాలు