అందమెంత చందమెంత

అందమెంత చందమెంత యిందుగలుగు విషయంబుల
పొందనేమి వీటిగొప్ప మూడునాళ్ళ ముచ్చటగద

అందమైన నగలటంచు నతిప్రీతిగ ధరింతు రవి
అందగించు టెంతదాక యనగ మోజు తీరుదాక

అందగించు బాంధవ్యము లన్నవి సిరులుండు దాక
అందగించు ప్రాభవంబు లన్నవి పదవులుండు దాక

అందగించు మంచి కీర్తి యపజయమది కలుగు దాక
ఆందగించు గుణగణంబు లపనిందలు కలుగు దాక

అందగించు దేహబలము యవ్వనమది యణగు దాగ
అందగించు బుధ్ధిబలము నంకురించు దాక ముదిమి

అందగత్తె తళుకుబెళుకు లన్నవి యవి యెంత దాక
కొందళపడ వయసు మీరి యందమంత నణగు దాక

అందమైన రామనామ మందుకొన్న నదే చాలు
నందగించు నిహము పరము నందివచ్చు మోక్షమును