నీ సాటివాడనా నీకు బుధ్ధులు చెప్ప
కౌసల్యానందన నీ దాసుడ నయ్యా
వెన్నుడవు రామ నీ వాపన్నశరణ్యుండవు
నన్నేలు దేవుడవు నా రాముడవు
మన్నించి ముక్తినీక మరిమరి పుట్టించే
వన్నన్నా యిదియేమి యన్యాయము
పుడమి కీవు పంపనేల పురుషోత్తమా యీ
కడగండ్లు నాకెందుకు కరుణామయా
చెడనేల నిన్ను విడచి శిక్షించబడనేల
అడుగనా యిదియేమి యన్యాయము
చింతలు తొలగింతువని చేరికొల్చు నాకు
చింతింప రాకపోకల చింతయిదేలా
వింతగా నిదినీకు వినోదంబుగ తోచు
నంతేగా యిదియేమి యన్యాయము
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.