ఏమనుచు నినువేడితే శ్రీరామ నీమనసు కరిగేనురా
ఈ మాయకలిచేతిలో శ్రీరామ యెంతకని వేగేదిరా
కామాది రిపువర్గము శ్రీరామ యీమాయకలి బంట్లురా
సామాన్యులా దుష్టులు శ్రీరామ మామీద పగబట్టిరి
మామనసు నీనుండియే శ్రీరామ మరలించగా జూతురు
నీనామమే మరచితే శ్రీరామ నిర్దయగ నాకాలుడు
మానాల్కలే చీల్ఛునో శ్రీరామ మాపెదవులే కాల్చునో
యే నిప్పులం గాల్చునో శ్రీరామ యేరంపముల బెట్టునో
యీ నీచకామాదులు శ్రీరామ యేస్థితికి మముదెత్తురో
మాకేమి కానున్నదో శ్రీరామ మన్నించి యోచించరా
యేకారణం బైనను శ్రీరామ యేనాడు నీనామము
మా కించుకయు దూరము శ్రీరామ కాకుండ రక్షించరా
నీకన్యమే యెఱుగము శ్రీరామ మాకింక దిక్కెవ్వరు
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.