వీరి వారి నాశ్రయించి వివిదకష్టములు పడక

వీరి వారి నాశ్రయించి వివిదకష్టములు పడక

శ్రీరాము నాశ్రయించి చింతలు బాయవే

ఒకరిచ్చే సొమ్ములతో నొకరోజు గడచునో

యొకమాసము గడచునో ఒకయేడే గడచునో

ఒకజన్మము గడచునటే వెఱ్ఱిమనసా భ్రాంతి

నికనైన విడువకున్న నేమి సౌఖ్యమే

ఉన్నవి లేనివి పలుకుచు నుర్విపైన తిరుగుచు

యెన్నిరాళ్ళు ప్రోగుచేసి యేమిలాభమే యవి

యెన్న డైన వెంట వచ్చు టున్నదా వాటికై

యెన్నాళ్ళని వీరివారి నెన్ని కొల్తువే

యేమి కల్ల ధనములే  యేమియూడిగములే

యేమి కల్ల బ్రతుకులే యేమి లాభము నీకు

రామచంద్రు డున్నాడే  రారమ్మని పిలుచుచును

స్వామి యిచ్చు ముక్తిధనమె సరియగు ధనమే